Psa 141 | TUCO | STEP | Mbouŋ to David O Yoova, you nataŋ roran ghom naghaze uul ghou rikia! Ughur taliŋam payou ve ulooŋ aliŋag.

a1Tim 2:8; Syg 5:8, 8:3

bMbo 34:13; Mt 12:36; Ep 4:29; Yems 1:26, 3:8

Psalms 141

Ŋgeu eez ighason Maaron pa ipaghaua pa tovaaŋ

Mbouŋ to David

1 O Yoova, you nataŋ roran ghom naghaze uul ghou rikia!
Ughur taliŋam payou ve ulooŋ aliŋag.

2 You nakaak nimag iza, ve nasuŋ ghom naghaze ughita suŋuuŋ tiou tonene inimale naunauŋ vuzi poia to tituni ila naghom,
ve inimale watooŋrau to tighamghami pa rabrab.
^a
3 Yoova, uŋgin poian avog ve yamag. Leso saveeŋ samia eta ivot ila avog sob. ^b

4 Ve upul ghou lolog igham pa ŋgar samia eta malep.
Pa vene, ndiran samsamia tiweu ghou ve nala toman di pa ŋgar todi tonowen.
Upalot ghou. Leso nayoon ariaŋa. Lolog pa nala toman di, ve yeiŋa nilup ghei pa ghanghaniiŋ maau.

5 Ighaze ŋgeu deŋia eta ilos ghou, ma iyaan ghou pa ipasaluŋgan ghou, nene ipatooŋa ighaze ye lolo payou kat.
Ŋgar tovene, you irau ateg yabyab pani maau. Nene igham ghou lolog poia kat inimale tiliŋ ŋgoreeŋ poia izala dabag.
Eemoghon ndiran samsamia, moghon moghon suŋuuŋ tiou iŋaŋarua ghom naghaze utatan ŋgar todi tonowen.

6 Sawa to tighur atia iŋarua ndiran samsamia, ve tipiyaav di tizila ndug kazimuŋa to sila we, nene pale tighilaal tighaze: Saveeŋ to muuŋ nasavia padi pa napasaluŋgan di, nene saveeŋ poia ve saveeŋ onoon.

7 Ndiran tonowen, irau titavia di maau. Pale tigham tuadi, ve tiwasuruvan di itaghon ndug to mateeŋa, tinimale ai to tipaal di le mazuvu mazuvu, ve tiwasuruvan di.
8 Maaron tiou Yoova, you naghur matag payom pa ulaaŋ, ve nayooŋ ilat tiom.
Upul ghou nasami malep.

9 Upaghau agheg pa liis to ndiran samsamia tighuri payou,
ve upaghau ghou pa malum to tiraara payou.

10 Ugham ndiran tonowen taudi tila tiŋgud malum todi.
Ve uul ghou, leso malum todi tonowen ikis ghou sob, ve naneep pooi.